 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Мая Радзіма – Беларусь...
Чый шлях акроплены сьлязамі.
І шчасьця мы зракліся самі,
Купіўшыся на мроі сну.
Чый лёс забыўся на вясну.
І стогне сэрца ад завеі,
Пакінуўшы ўсе надзеі
На сонца цёплага пяшчоту
Ў адчаю ціхае журботы.
Мая Радзіма – Беларусь...
Зямля пад белымі крыламі
І зь неабсяжнымі далямі,
Што льецца ціхім раньнім золкам
Дзівосным сьпевам у аблокі.
Твая гісторыя сьляпая
І літасьці яна ня знае –
Ў навале цьмянай навальніцы
Палаюць грозныя зарніцы.
Мая Радзіма – Беларусь...
Мой любы вобраз сінявокі,
Што зоркай зьзяе праз аблокі.
І хай катуе жорсткі лёс –
Ты прыгажэйшая ад сьлёз.
І ведай, любая краіна,
Дзе б ні была – цябе ня кіну,
Хай перад мною стаў астрог –
Ты ў маём сэрцы назаўсёды.
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
